12 juny wer aktiviteiten

Op sneon 12 juny tusken 10.00 en 16.00 oere kinst tidens de Keunstrûte Littenseradiel wer itenspantsjes opkleurje mei filtstift en dan lekkere hapkes brouwe, by Wieke de Haan yn Mantgum.

Foar dyn âlders is der ek fan alles te belibjen want ek mei de oare boeken dy’t de skriuwster fan it Ytboekje skreaun hat, wurdt fan alles dien.

Wolst sels de kostúms ek wolris sjen dêr’t Wieke yn optreedt? Dat kin: de skelk (‘schort’) dy’t by it Ytboekje heart, de Oscarjurk makke fan jute ierappelsekken, dêr’t Wieke yn by minister Plasterk op besite west hat, de teedrink-outfit en it sûkeladepak (makke fan Chokotov en Milka sûkeladewikkels) kinst dy deis allegear besjen.

Om 16.00 oere is de presintaasje fan it nijste boekje mei as titel ‘Sara en sa’, dat wol sizze foar famkes dy’t fyftich jier of mear binne, of wurde. 

Keunstkaarten yn Baaium te keap

De seis ferskillende keunstkaarten dy’t nei oanlieding fan it Ytboekje, makke binne, binne fan hjoed ôf ek te keap yn Baaium by Anneke Bakker Wooninspiratie.

Fierders by boekhannel Van der Velde en de Afûk yn Ljouwert, by De Twadde tak en Adelma yn Mantgum.

Nij ferkeappunt

Yn Mantgum binne sawol it Ytboekje as de ansichtkaarten mei resepten te keap by Adelma – berneklean en kado’s, oan de Fearhûshoeke.

Bist tafalich yn de blommesaak yn it Mantgumer winkelsintrum, dan binne dêr behalve blommen èk de ansichtkaarten mei resepten te keap.

De berneboekewike is oer

Foarby. Oer. It boek is út. Of net? Bist wer lekker oan ’t lêzen? Ik wol, haw krekt ‘Moeder nummer nul’ lêzen, fan de skriuwster Marjolijn Hof. Moai boek juh! Giet oer in jonge dy’t adopteard is en wolris witte wol hoe’t it no sit mei syn echte mem. Mar ja wa is syn echte mem? By wa’t er út it liif kaam is of by wa’t er wennet? No ja, lês sels mar, it boek is wol yn ‘e bieb, of yn ‘e boekhannel, of miskien ha jim’it ek wol op skoalle.

<!– /* Style Definitions */ p.MsoNormal, li.MsoNormal, div.MsoNormal {mso-style-parent:""; margin:0cm; margin-bottom:.0001pt; mso-pagination:widow-orphan; font-size:12.0pt; font-family:"Times New Roman"; mso-fareast-font-family:"Times New Roman";}@page Section1 {size:595.3pt 841.9pt; margin:70.85pt 70.85pt 70.85pt 70.85pt; mso-header-margin:35.4pt; mso-footer-margin:35.4pt; mso-paper-source:0;}div.Section1 {page:Section1;}–>

Sneon wie der in grutte boekemerk mei Fryske boeken enboeken oer Fryslân yn Drachten. Omdat it sneon ek de lêste dei wie fan deBerneboeketiid (en fan de Kinderboekenweek!) wie it Ytboekje fan de partij. Ekde skriuwsters fan it kookboek ‘Friese liefde’ mei biologyske resepten, wieneder. Sy traktearden it publyk op lekkere hapkes. Snapst wol dat der ek lekkerehapkes út it Ytboekje by wiene fansels. Foar elk bern dat by de kream del rûnwie der in spekjepripper. Trettjin pûden spekjes binne der troch gien. Trouwesde grutte bern fûnen spekjes ek wol hiel lekker.

Op de foto sjochst rjochts foaroan Ytsje Hoekstra, ien fande skriuwsters fan Friese liefde en achteroan sjochst Wieke mei it Ytboekje yn‘e hân. (Sorry, der is wat mei de kompjûter, ik kin de foto net tafoegje, sjitterdesjit!) Ytsje sei dat se it leuk fûn dat it Ytboekje nei har neamd is, hoefynst dat?

It wie in hiele gesellige dei dêr yn Drachten trouwes.

Hjoed haw ik nei De Pikeloer yn Wiuwert west; in skoalle mei 35 bern: 11 beukers; 13 bern yn de middengroep en 11 yn de groepen 6, 7 en 8. Daliks nei it moarnsskoft mocht ik wat fertelle oer it Ytboekje en it tema fan de berneboekewike. Dêrnei haw ik ferteld oer wat wy hjoed meitsje soene mei syn allen. Ien fan de juffen makke film-opnames dy’t se letter sjen litte wol op in âlderjûn, dat wie in leuk idee fansels.

Yn in oere tiid hawwe de bern wer fan alles yn inoar flanst, knap hear!!

Berneboekedei Terherne

Yn in Ytkafee oan de Buorren yn Terherne wie’t hjoed feest! In hiele soad bern ha hjoed itenspantsjes opkleure en dêrnei koekjes glazuerd en fersierd, of spekjes oan in houten hjerstpripper stutsen!

It wie hiel gesellich yn Terherne; alles stie yn it teken fan it tema fan de Berneboeketiid ‘Om ‘e tafel: Ite en snobje yn berneboeken’.

Nij wie dat bern ek spekjes oan koekjes fêstplakten mei glazuer en sa wer hiele nije dingen ‘bakten’. De ‘Midfrieslander’ hat foto’s makke, mar ik wit net of dy pleatst wurde op de webside www.midfrieslander.nl. Sels mar even yn ‘e gaten hâlde dus.

En sa sjocht de etalaazje fan Boekhannel Van der Velde yn Ljouwert derút. Fansels spegelet it rút, sorry dêrfoar!

En yn de winkel leit it Ytboekje op de toanbank mei in grutte snoeppot derachter: mmmjammy en sjochst wol dat de ansichtkaarten dêr ek te keap binne? Seis ferskillende mei ôfbyldings út it Ytboekje.

Hjoed dus by boekhannel De Tille yn Ljouwert sitten, Geartsje en ik. Ferskillende bern ha by ús west om ‘smoeltsjes’te glazuerjen en te fersieren of om te spekjestekken. Leuk en lekker!

Ytboekje yn FD

Foarige wike stie der in boekbesprekking yn it Friesch Dagblad mei in plaatsje derby fan it omslach fan it Ytboekje. De hiele resinsje pleatse is wat folle fan it goede, mar in pear sintsjes oer wat boekbesprekster Jant van der Weg-Laverman der fan seit:

‘De yn in tal rubriken ûnderbrochte hapkes en drankjes slute goed oan by wat bern lekker fine.’

‘It is in tige oantreklik boekje wurden en net allinne troch syn ynhâld. It boekje hat in ringbân krige en is dêrtroch yn ‘e keuken hiel noflik om mei te wurkjen.’

‘Aparte soarten sop en tradysjonele puddinkjes wikselje ôf mei ‘sjeekspul’- in moaie nijfoarming foar de fruchteshakes – en fansels lollys en koekje- en taartguod. In boekje dus dêr’t neist de bern ek âldere lêzers har wille oan belibje kinne. Om dy âlderen gerêst te stellen wurdt op de binnenflap fan it kaft fuort by it begjin al goede rie jûn by it snijen en it baarnen.’